أخبار الطيبةالأخبار العاجلة
استنفار اثر الاعتداء على مصلى مستشفى مئير في كفار سابا
مجهولون يعتدون على المصلى في مستشفى “مئير” ويكتبون عبارات باللغتين العربية والعبرية 
فوجئ المصلون الذين يرتادون المصلى في مستشفى “مئير” اليوم”، باعتداء وكتابة عبارات باللغتين العربية والعبرية من قبل مجهولين.
واثار هذا الاعتداء سخط المصلين من زوار وعاملين وممرضين وممن يؤدون الصلوات خلال تواجدهم في المستشفى.
وصرح الممرض ماهر خديجه الذي وصل لاداء صلاة العصر من هذا اليوم ،بالتخريب والاعتداء الذي لم يكن حاصلا اثناء اداء صلاة الظهر، وان هذا التخريب قد نفذه مجهولون في وقت ليس ببعيد.
وعبر المصلون عن استنكارهم وسخطهم الشديدين جراء هذا الاعتداء المرفوض، وتوجهوا للامن في المستشفى للتحقيق في ملابسات الحادث والتوصل للجناة.
امسح الكتابة عالسكت وما بلزم تنشر الخبر وكأنه جريمة لا تغتفر واللي عاملينها مستوطنين عنصريين
اخ سامر لم ينشر كل الصور موجود عدت صور بالعبري والعربي وهد المصاحف من الرفوف.
يا زلمي وين العبري كاتب الله اكبر ومحمد رسول الله وين الغلط فهمني
مكبرين الموضوع زيادة عن اللزوم وكأنه كاتب شتايم ولا كفر
ولد صغير كتب الله اكبر عملته منه مخرب وارهابي لا حلو ولا قوة الا بالله
اولا ليس فقط هذه الصوره. يوجد عدت صور كتابات بالعبري للأسف الموقع لم يعرض جميع الصور
اخ سامر شو دخل اليهود. الي كتب هاي الشعارات اثنين شباب عرب من منطقتنا. وشغلي ثانيه باي حق الهم يكتبو عالجدران وكمان بالعبري ويكتبو عجميع الجدران. وثانيا لمعلوماتك الفريق اليهود هناك قايمين بالمحافظه عليه اكثر مني ومنك
يا زلمي وين العبري كاتبين الله اكبر ومحمد رسول الله ولد صغير ابن 15-16 سنة صار مخرب وارهابي وحدو الله يا جماعة
انا مشوفتش العبري اللي مبين عربي وبس واسف عالتعليق تبعي حقك عليي
المخرب عربي واضح من الخط شكلو كاين يتفنن كمان كاين فاضي الله يهدينا
وين الاعتداء يا رخايص لفظ الجلالة صار اعتداء ؟؟ ليش التلحيس لليهود بتضلكم رخايص ورح تموتو رخايص مفكرين انهم علموا المصلى عشان بحبوكم ؟ عشان بدهمش يشوفو العرب بيصلوا قدامهم في الجنينة .. اسال نفسك ليش ما بنو كنيسة الهم يصلوا فيها مع انها دولتهم ومستشفاهم
اولا لليهود في كنيس داخل المستشفى …
اثنين مش لازم الاعتداء يكون تخريب بس توسيخ المكان والكتابه كل واحد شو بيجي عباله هاظ تخريب …بالجامع مسموح التخربش عالحيط اصلا …
ثلاثه شدالمصلى بني بمبادره العاملين العرب المصلين في المستشفى ويخص بالاكثر المرضى والمرافقين من الضفه والقطاع
انه نقول عن الغلط غلط مش رخصنه اسمها قوه …عيب تعملوش حالكم كاثولوكيه اكثر من البابا وانتو بتعرفوش اشي لا بالدين ولا بالسياسه ولا بتفاصيل اشي
الرخيص الي بكتب اي اشي على خيط مصلى ومش مهم ليش انعمل وانعمل باموال المسلمين وتعبهم وبعد عناء شديد.
وفي كنيس بمئير.
ومن وينتا كل واحد بقدر يفوت مسجد ويقعد يكتب شو بدو؟ فليش المصلى غير؟
وشكله الك ايد بالموضوع يا الي بتفهم شو الرخيص وشو الغالي.
اه الي يد في الموضوع تارك شغلي واعمالي وجي اخربش عالحيط هههههههههههههههههههه استغفر الله العظيم يا رب
ممكن حدا يشرح وين الاعتداء ! اللي شايفه انه واحد حابب يشارك فكتب عبارات ايمانيه من الدرجه الاولى انا من ناحيتي مش شايف اي تخريب !!!
من الواضح ان المخرب عربي صغير في السن وهذا نتاج التربية الغير سليمة في مجتمعنا للاسف
مش شايفه وين الاعتداء بالموضوع ومش شايفه انهم بتطاولوا على المصلى
هذا المصلى يعتبر وقف للمسلمين لا يجوز الكتابة على جدرانه ولا غيره.
لو اجى حدا كتب عحايط داركم لا اله الا الله او اي شيء اخر بتظلي ترحمي عليه تا تجوزي ولادك اما في المصلى بهمش….