3كلمة حرة

في ذكرى ابو عمار ! بقلم: عماد فراجين

كتب الكوميديان الفلسطيني عماد فراجين المعروف بدوره في برنامج “وطن عَ وتر” خاطرة قصيرة باللهجة العامية في ذكرى المرحوم الراحل ياسر عرفان “ابو عمار” .

11
صورة لعماد فراجين (من اليسار) بعدسة الطيبة نت

ماتقلق كلشي على حطة ايدك، الوحيد اللي اتغير عن زمانك الاستيطان، وشوية خلافات بين الضفه وغزة.

ابو عمار ماتقلق كلشي على حطة ايدك مثل ماتركتو الوحيد اللي اتغير عن زمانك الاستيطان يحرك حريشو شو كبر ، والفلس والبطاله الله وكيلك، في شوية حكي على مناطق س وصائب مازال متل ماتركتو كبير المفاوضين والزلمه شغال بس جديد دخل شتيه على الموضوع اكيد متذكره قصير شوي منخاره مدحبر.

المقاطعه عملولها شوية صيانه وزرعو ورد ع الباب، وسلام روح وجابو رامي، صارت شوية خلافات بين الضفه وغزه شويه مش كثير طوشه صغيره….وفتحو محلات رامي ليفي بصراحه شوي ارخص من عنا، اليو اس ئيد بتزبط طريق وادي النار عشان جايه شتويه والفوردات بتزحلق، والله ياختيار مافي جديد، لليوم بحللو انت متت مسموم ولا موت طبيعي؟؟ وكل عام وذكراك خالده انت وجميع الشهداء .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق