وقفة احتجاجية امام متجر “شوبرسال” في كوخاف يائيير

والله معهم حق مفشي إشي بهالدولة بيرخص كلشي بيغلا الأسعار كل مالها بترتفع طيب والعامل الي دخله على قد حالو شو بدو يعمل ؟الله يعين الناس بحللو وبحرموا على كيفهم بهالدولة مع ان السكان فيها مالهمش رأي ما بصير هيك حرام لازم الدولة ووزارة التموين وأصحاب المحلات لكبيرة يخفضوا من الاسعار الإستهلاكية مش عارفين وين بدنا انلَحِك هي فاتورة كهرباء ولا الماء والأرنونا ولا فاتورة التلفزيون والنت بعني الشيدور ومصاريف المدارس و……كله كوم واغراض البيت والمونة كوم ثاني والله ضغط كل هالحياة ومش عارفي كيف الناس آخر الشهر بدهم يحوشولهم اكم قرش الله اكبر بهالوضع عنجد في حدا بحوش شيكل يمكن كل شئ جايز بالهزمان صرلي 14سنة متزوجة ما بلحق اوفر اشوي مصاري واضبهن للزمن الحمد لله بيجي نصيبهن لاشي ثاتي من كثر الدفعات الملزمة في الشهر وعل راي المثل “ايد لحالها ما بتصفق ” اي لونهن خمس ايدين بهذا الزمن وهذا الوضع بنهرين مش بس بصفقن !! في ناس عمالهم بيشتغلوا وبفوت عليهم راتبين وما ملحكين هذا وكيف الي بيشتغل وبفوت بس عليه وعلى اسرته راتب واحد فقط ؟؟؟ الله يعين الناس على حملهم. لا حول ولا قوة الا بالله العلي العظيم