– اذا سألت شخصا عن عنوان احد وبدل ما يدلك قال لك تعال معاي .. اذن هو طيباوي. وعلى فكرة بيترك شغله وبيمشي معك لانه خايف تتوه.
– لو صليت في جامع وبعد الصلاة اللي جنبك مد ايده وقال لك تقبل الله.. اذن هو طيباوي.
– لو سمعته بعد ما ضحك كتير يقول: “خير اللهم إجعله خير ” .. تأكد أنه طيباوي.
– لو دخلت عليه وكان يوكل ولو حتى خبز وبصل لازم يقولك اتفضل شاركنا الاكل ويعيدها عليك ثلاث أربع مرات .. اذن فهو طيباوي.
– ولما سيارة بنشر عجلها فى الطريق وخلال ثوانى وقف اول شوفير ونزل عشان يساعد … اعرف انه طيباوي.
– لما تشوف ناس بيقضو العيد فى المقبرة مع حبايبهم اللي ماتوا من سنين … تأكد انك في الطيبة.
– لما تسمع امرأة رايحة وجاية تدعي لأولادها ربنا يوفقهم ويفتحها بوجوههم … اعرف انها ام طيباوية.
– لو شفت واحد وقف فجأة وهو ماشى فى الشارع ومد ايده على خبزة مرمية على الأرض ورفعها وباسها وحطها على جنب الطريق .. بلا شك هذا طيباوي.
– لما تسمع اصوات نقاش عالية في القهوة وكل واحد فيهم بيحلف إنه يدفع عن الثاني ثمن فنجان القهوة … اعرف انك في الطيبة.
– لما تشوف النسوان حاملات صواني الاكل ورايحات على بيت الاجر … اعرف انهن طيباويات حاملات خروج لاهل الميت.
– لما تشوف جماعة راكبين سيارتهم وطالعين يزوروا مريض في المستشفى اعرف انهم من الطيبة.
– لما تفوت دكان الخضرة وصاحب المحل يناولك حبة مشمش ويقولك ذوق مشان الله…. اعرف انك في الطيبة.
– لما ازعر يحكي كلمة على صبية في الشارع وبعدها بثواني يكون وجه منفخ اعرف ان الشباب ما سمحو له يقل ادبه على الصبية لأنهم من الطيبة.
طيبتنا حلوة بأهل الاصل فيها… أحبوها ولا تفرطوا فيها فلا بلد آخر لنا سواها.
مع تحيات: اختكم ام سامي
كل إلا حترام هـذي الطيبي ولا بلاش
שכחת משיהו חשוב מאוד כאשר תלך למסג’ד אלאקסא יום שישי או שבת ואחרי התפילה תסתכל ומין ושמאל תראה הרוב מטייבה עומדים לתפילת אלעסר
لمليح في شباب الطيبه مش هجنين وبحترموا البنات مش مثل شباب التقيت معهم اول العام في تركيا كانوا من بدو الشمال بياخه لا تطاق،شبابنا والله مليح بس يبقى طويل روح اكثر ويحل كل مشكله باالتأني .ان شاء الله رايح البلد تنظف من العصابات بشكل نهائي وستعيد مجدها العريق
وحنا اهل الطيبه بنساعد بعض وبنساعد من غير البلد لما كون في رحله خارج البلاد،
مليح برضو نحكي الاشي المليح اللي عنا بس مننساش انو قله من الزعران قد تشوه سمعة الكثير من الناس الشهميين،والسؤال هل سنضغط على البلديه بان يكون في البلد وجود اكثر للشرطه كما هو الحال في كل مدن العالم؟
حلو وصح
صدقوني فش بعد الطيبة وسكانها
احسن شباب موجودين فيها واحين صبايا …فش بعد الطيباوية
حلو كثير