أخبار الطيبةالأخبار العاجلة

فتح تحقيق مع معلم بشبهة ضرب طالب في إحدى مدارس الطيبة

فتح التحقيق بقضية إعتداء معلم في مدرسة في مدينة الطيبة على طالب وإحالة المعلم للتحقيق، والمدرسة تهدد بالإضراب في حال تعرض المعلم الى مشاكل.

شرطة- صورة ارشيفية
صورة توضيحية

فتحت شرطة الطيبة “كدما” اليوم الاحد تحقيقًا بشكوى قدمها ولي أمر طالب في إحدى المدارس الثانوية في مدينة الطيبة، بشبهة قيام معلم بضرب ابنه من سكان كفر برا.

وعلم مراسل موقع “الطيبة نت” بان نقاشًا حدث بين الطالب والمعلم من مدينة الطيبة،  وإدعى الطالب ” بأن المعلم قام بضربه بصورة عنيفة، والتي بسببها تم نقله الى مستشفى “مئير” في كفار سابا لتلقي العلاج”.

في اعقاب ما حصل قدم أهل الطالب بلاغًا في الشرطة، وادعوا في البلاغ ما ذكر اعلاه.

تعقيب الشرطة:

وعقبت المتحدثة باسم الشرطة لوبا السمري، ردا على توجه مراسلنا، بالقول:” تم التحقيق مع المعلم المشتبه بالاعتداء على الطالب، مع اطلاق سراحه لاحقا بشروط إبعاد مناسبة، والعزم على تحويل كامل مادة ملف التحقيق لاحقا الى مكتب المدعي العام للبث والقرار”.

كما وعلم مراسلنا من مصادر مطلعة في المدرسة، بأنه في حال تعرض المعلم الى مشاكل كبيرة في أروقة الشرطة ، بسبب الحادثة، ستعلن المدرسة الإضراب غدًا .

 

‫24 تعليقات

  1. بتسمح لحدا يمد ايدو ع اولادك؟ شو نوع حضرتك؟ خاف الله قال معلم قال

  2. خافو الله يا عرب بكفي اجرام وعنف
    حرام هيك شاب ينضرب قدام الكل حتى لو كان غلطان ممنوع الضرب لو شو ما كان، استغفر الله العظيم بس

  3. لكل إشي في أصول ، كان من الواجب على أهل الولد في المرحلة الأولى الإجتماع بالمعلم والإستماع له والتوصل الى حل يرضي الجهتين لما فيه مصلحة الطالب ، وليس الهجوم لرفع دعوى ضد المعلم المسكين الذي أراد مصلحة الولد ، ( أيام زمان عندما كان الطالب ير المعلم في الشارع ينطلق هارباً أما اليوم المعلم هو الذي يختبئ من الطلاب . لهذا السبب التعليم في الهاوية .

  4. اتقو الله يا عالم ، حرام عليكو هيك ولد بريء ينضرب وينهان قدام الجميع

  5. اول صحيح انو الاستاذ تعامل بعنف و استعمل الضرب و هو غلطان و بنفس الوقت الطالب غلطان … لانه كل معلمينا و معلماتنا همي قدوه النا و بمجرد انو قال هات التلفون لازم اعطى ايا … و انا مش منحاز لطرف معين بس من الاساس التلفون بجيبتو ولا مش بالشنطه ولا الصر وين ممنوع يبقى مع طالب مدرسه بداخل مدرسه تلفون …
    بنفس الوقت الطالب غلطان لما صار يرد ع الاستاذ …
    من ناحيه الادب و الاحترام كثير من شبابنا فش عندهم اي احترام و تقدرير سواء لصغير او لكبير بقصدش عن حدا معين بس هاي العاده صارت عند الصغار قبل لكبار فجيل عن جيل الاشي بزيد عن حده .
    بالنسبه لطلاب الي من برا البلد همي طالما فاتو الطيبه همي ضيوف عند كل شخص و شخص مش بس للمدرسه … يعني الاخل لما يودوا ولادهم من بلد لبلد عشان زراق عيون اهلها … لا لانه المدرسه معروفه بنجاحاتها و ثانيا مأمنين لاهلها ف يلتقو تصرفات عنيفه سواء من استاذ او طالب او حتى واحد من برا المدرسه مش مقبول ع اي حدا …
    انا شب ساكن بالطيبه من ما انولدت لهسا و تعلمت فيها و الي صحاب فيها … بس مش كل الصحاب بحسسوك انك واحد منهم ف لليوم موجود التمييز …
    طول ما الواحد اسمه عربي لو من ابصر وين لازم نبقى ايد وحده مش ضد بعض …
    و شكرا …

  6. لا حول ولا قوه الا بالله المعلم اخطأ باستعمال العنف ضد إبن عرقه وأصله ويجب معاقبته لكن ليس من خلال الحبس فالشرطه لن تحل المشاكل بل ستزيد الطينه بله لذلك مفضل عقاب المعلم من خلال شروط اب الابن الذي تم استخدام العنف ضده من قبل المعلم وبأذن الله ستنحل بسرعه

  7. انت يلي بتحكي عن الطلاب الي بيجو من برا وللي ننتحملهم خلص حكي ملوش اي معنى لانهم باعتبارهم اجو عنا عالبلد هاي بقول قديش المدرسه ناجحه ولازم احنا نعتبرهم ضيوفنا وهاي بخلال مش سبب عشان الاستاذ يضرب طالبه !!!! مره ثانيه يمكن يكون طالب من عنا وحتى يمكن يكون انت!! ومتحكمش عالطالب انو وقح وغيرو ونتي مش شايف !!!! وبننكرش انو الاستاذ الو سنين بعلم بهالمدرسه وعندو خبره بس هاي بقلش انو يضرب طالب ويتعدى عليه بطريقه وحشيه!!! واخر اشي ممكن نحكي عنو انو هو مش من البلدد!!!؟! مهو احنا العرب مشكلتنا منا نفسنا الواحد بيجي يتفلسف وبرمي حكي وهو مشفاهم شو بتخرف

    1. بصفتك شو حضرتك بترد علي بهذه الطريقه؟! لانك موجود بالمدرسه وبتعرف شو بصير فيها؟! لانك بتعرف وقاحة وعدم احترام الطلاب للمعلمين والمعلمات ولسا ما بدي احكي عن البنات واللبس الفاضح لقسم منهن. وبعدين عن اي عنف بتحكي حضرتك؟! كنت بالمدرسه؟ شفت المعلم ضرب الطالب بصوره وحشيه؟!؟! اذا لع متعلقش لو سمحت.

    1. انا ضد كل الي بتفلسفو، من اصعب المهام اليوم شغلة المعلم . وعفكره مش شغلو يربي اولاد الناس. هذا شغل الاهل الي مش فاضيين وبدهم غيرهم يبربو اولادهم الا من رحم ربي

  8. السلام عليكم ، اولآ اتحدث بأسمي رئيس مجلس طلاب كلية يوسف شاهين ، طلاب المدرسة يرفضون التعامل بألعنف تمامآ ، و هناك الف طريقة للتعامل غير استعمال العنف الجسدي ، لا ننحاز لطرف معين ونحترم كل معلم ومعلمة فهم أبائنا وأمهاتنا وقدوتنا كاد المعلم ان يكون رسولآ ونفتخر بمعلّمينا . فهم يمثلون رمز التعليم والحكمه .
    ثانيآ اخي احمد المدرسة بيت الجميع وجميع الطلاب في المدرسة يندرجون تحت إطار كلية يوسف شاهين وهاذ فخر للطيبة اولآ والكلية ثانيآ انها توحد داخلها طلاب وطالبات من نخبة طلاب بلدان المركز ( الطيبة ، كفر برا ، الطيرة ، قلنسوة ، جلجولية ) والعديد من البلدان فمن هنا أناقدُك بأننا متساوين ونرفض تميزك ونحترم كل نقضك البناء لكن لا للتميز كلنا متساوين .
    ثالثآ نتمنى الخير على جميع الطلاب و المعلمين في المدرسة وان تساعدنا المدرسة بأدارتها و هيكل المعلمين على تعليمنا لانضباط و النجاح وان يقفو معنا داعمين لنا في هاذا الوقت بالذات لمساعدتنا للحصول على شهادة إنهاء وتفوق ومن واجبنا ان نقدم الاحترام المتبادل . وشكرآ

    1. احترم ردك واختيارك للكلمات المناسبه. ولكنك متحفظ جدا وهذا بسبب منصبك والامر الثاني على ما يبدو انك لست من الطيبه (حسب اسم العائله) .
      وانت تعلم يا صديقي كم مشكله يوميه وكم مشادة كلاميه تحدث بين الطلاب والمعلمين. وكيفية التعامل الوقح وعدم احترام الطلاب للمعلمين، ولا تنكر ذلك، اذا وصل الامر باحد الطلاب ان يغلق باب الصف على معلمه لانها اخذت منه هاتفه وتهديدها بعدم خروجها اذا لم ترجعه!!!! عن اي احترام تتحدث يا محترم؟!؟! عن اي طرق تربيه تتحدث اذا كان قسم من الطلاب بحاجه الى تربيه اساسا. الاهل همهم الوحيد يشتغلو ويشترو سيارات ويطلعو رحلات او يشتغلو لمجابهة صعاب الحياه، ولكن بكلا الحالتين النتيجه واحده، اهمال تربية الاولاد، حيث لا مكان لتربية الاولاد. ولا وقت لتربيتهم.
      والنتيجه واضحه بالمدارس. فلا حاجه يا صديقي لتجميل الحقيقه.
      وبالنسبه لموضوع الطلاب من خارج الطيبه هذه حقيقه معروفه ومدروسه وحتى نظرة الاهل من خارج الطيبه الى معلميها واهلها تختلف ” انو انت تا تحكي مع ابني ولا لانو مش من الطيبه”. بتعرفها هذه الجمله؟!
      اكيد كلنا بدناش وضد العنف ولكن اتحدا هذا الاب البطل ان يعلم درس واحد في صف من الصفوف؟!؟! الا يكفي ان المعلم يعلم لا يقل عن ٤٠ طالب في كل صف وهذا غير منطقس وغير انساني حتى، وفوق هذا كله بنشكي عنو للشرطه. لو بدل الوقت الي ضيعو وهو يشكي ويطارد ضيعو على توعية وتنبيه وتربسة ابنو كان ما صار الي صار. وحسب راي لازم تتسمر المدرسه حتى يتنازل الاب عن القضيه. ويتقي الله بالمعلم

    2. وانت بصفتك لبرلمان مش لازم تصف جمب العنف لازم تسمع لولاد بس انت مش لاحق الحق.

  9. هذه النتيجه المباشره لاستقبال الطيبه تلاميذ من خارجها. اذا بلادهم ومدارسهم مش متحملاتهم ليش لازم بلدنا ومعلمينا يتحملو؟! والجواب بسيط طبعاً، لان المدارس الثانويه اصبحت تجاره، مش مهم مستوى الطالب المهم نعد كم طالب نستطيع ان نستقبل. بنحكي عن معلم قدير وخبرة سنين طويله انسان محترم جدا وما في حد يناقش هذا الامر. وطبعا هسا انمسحت كرامته بالارض بسبب “بطل” من ابطال المدرسه.
    لما تبعث ورا الاهل بيجو عالمدرسه يقولو “مش قادرلو، ومش عارف شو اعمل معو” وبكون الولد وقح ومش مخلي اشي الا عامله. اما سبحانه من اله اذا معلم عمل اشي عالبوليس. اتقو الله بالمعلمين الي بشوفو كل هالقرف ومتحملين. محتمعنا واهلنا اعلنو افلاسهم.

    1. اسمع هاي الطالب بس 100 بجيب
      ومعلي مستوى المدرسة
      يع كيف لو يهود ما هيك بحكوا …
      اصلا الحق علينا الي بنيجي نتعلم عندكم

  10. والله حلوة اعلان اضراب!! اعلنوا الاضراب احنا عأساس المدرسة بيتنا الثاني لا!! ببيتنا مظنش اهلينا بيظربونا لدرجة نوصل مستشفى ! اعلنوا الاضراب اذا صار اشي للمعلم واحنا الطلاب بكل سهولة بنعلن اضراب اذا المعلم مأخذش العقاب الملائم ولا في اسهل منها

    1. والله أوقح من أولاد اليوم والأمر الأهل. تعالواعلموا حصه 45 دقيقه مع 25 طالب بديش أقول أكثر من 25 بيت وتربيه. اليوم للأسف فش أهل يربوا أولادهم. حتى بعرفوش بأي صف إبنهم

      1. اولا تحكميش علاولاد دايما
        انتوا الي وصلتوا لهان الاهل السببب انتوا قويتوا لمعلمين علينا
        أهدى ولد بلعالم الي نظرب وبس بجيب 100 عورقة الامتحان
        مين انتتتي الي تحكمي انو الاولاد السبب

        1. عفكره انو بجيب ١٠٠ بقلش انو ملاك. التعليم اشي والادب والاخلاق والتربيه اشي ثاني. فتعلمي تميزي بين الشغلتين

      2. لا شك ان هناك فوارق بالتربية بين بيت وبيت ولكن حقيقة لا بد ان نذكرها ولا اب بالدنيا يسمح لان يضرب ابنه ويهان والقانون لا يسمح بذلك والمعلم الشاطر هو الذي يقدر على احتواء تعدد الطلاب في نفس الصف واختلاف اخلاقهم وتربيتهم وهو يدرب كي يكون كذلك ومن لا يقدر على هذا فهو ليس بالمكان المناسب …انا اتحدث مع عدة طلاب واخالطهم كلهم عندهم نزعة الخير وحب الخير وما على المعلم الا اكتشاف الطريق لهذا الخير الذي بالطالب واسغلالة لتنمية قدراته والتغيير في بعض سلوكه هذا ٩٠٪‏ من التربية والتعليم من وظيفة المعلم ومن لا يقدر عليها فهو ليس بجدير لتربية وتعليم اولادنا وكفاكم استهتار بالطلاب فاغلب المعلمين يغردون ليل نهار بان هذا الجيل فاسد فكيف ستصنع الثقه بين الطالب والمعلم والطالب متهم دائم عند هذا المعلم بالفساد كيف ستبنى الثقة واغلب المعلمين يتهمون طلابنا بالفساد

        1. بالله عليك يا اخي با تستعمل كلمات ومصطلحات، التي تصلح فقط للنظريات وانا مش اطلب كثير. بطلب من كل الي بحكمو على المعلمين انهم يعلمو بدالهم يوم وبعدها اشوف الاحتواء والتعليم السليم ورفع المستوى التعليمي والتربيه.وبدون كلام ما الو وصيد. هذا جيل فاسد والي بعدو اعطل منو والسبب واضح انو فش وعي واهتمام وتربيه في البيت. وصحيح بوافقك انو ولا بحب بسمح بضرب ابنو. بس الله يرحم ايان زمان لما كان الطالب يذنب تنميح بكرامتو الارض بالمدرسه والاب يكمل عليه وتخرجت اجيال لن يكون مثلها. وقارن مع اجيال وتربية اليوم وشوف الدلع والمساواه وتلديموقراطية شو عملت فينا. كلمة وحده “دمار” لاجيال المستقبل. وحسبي الله في كل اب او ام مهمل اولاده وبتفلسف وبتشاطر عالمعلمين والمعلمات.

          1. كيف قادر تحكي بعنصريه بكل هاي السهوله رح ييجي موقف ورح تنحط بموقف عنصري وبتمنا تفهم كيف العنصريه اشي مخزي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *