فضفضة

يريد أن يطلّق خطيبته ليتزوجني

انا فتاة من الطيبة كنت انا وابن جيرانا نحب بعض 7 سنين واجا تقدملي وطلب ايدي وأهلي رفضوه بشكل قاطع بدون سبب مقنع وهو انصدم كثير من ردة فعل اهلي وكانت ردة فعله قوية جدا راح خطب مباشرة بنت عمو عشان يماحكنا.

وبعد اسبوع من خطبته رجع يترجاني ارجعله لأنه بدو يطلق بنت عمه لانه اكتشف انه أخلاقها سيئة جدا جدا. بالبداية انا رفضت عشان ما أخرب بيوت الناس بس هو اقنعني انو سواء انا معاه أو لأ بدو يطلقها يعني مش بسببي بسبب سوء اخلاقها.

رجعنا لبعض هو ما بيزور خطيبته وما بيحكي معها نهائيا خليها تتنازل وتطلب الطلاق والبنت بدهاش تطلب الطلاق وهو من الناحية المادية معوش يطلق بدون رضاها ويدفع المؤخر …. الشب مسكين محتار ومش عارف شو يعمل….انا بتقدملي ناس وبرفضهم لاني بدي استناه …..صار له مدة خاطب ومش قادر يصارح عمه انها بنته أخلاقها سيئة وبدو يطلق ومش عارف كيف ….انا خايفة اتركه وأظلم حالي وأظلم شريك حياتي وخايفة اظل معه ويجبروه يتزوجها لأنها بنت عمه وهو الشب يئسان كثير وصاير عصبي كثير وحسيت انه بدا يستسلم للأمر الواقع….ولما يسمع انه حدا طلبني بينجن وبيصير يبكي ويقوللي ممنوع تتزوجي غيري لاني رح أنجن وأكره حياتي وأكره بنت عمي لأنه هي السبب بكل شي….

انا بحيرة شو اعمل ساعدوني بطلت اعرف اتفاهم معاه هو اعصابه تعبانة وانا بديت انهار بشكل مش طبيعي ببكي طول الليل وما بآكل ونفسيتي كثير تعبانة. صرت بس احاول اناقشه بالطلاق يسكر التلفون لانه مش عارف شو يعمل المشكلة انو دار عمه ….والشب مش جريئ كثير….انا تعبانة كثير ارجوكم ساعدوني بحل منطقي.

‫3 تعليقات

  1. מרחבה!
    חסב ראיי בלזמקש ולד סגיר אנתי.. איזא מא ענדו שכסייה יעני מסיבה. ובעדין הוא אלי גאבו לנפסו.
    נסיחתי אנו עומרו אלעלאקה ולחוב קבל אלגיזה בתסתמר קיף מא אנתי בתפקרי וקיף מא קול וחדה בתפקר.
    כודי אנסאן זלמה וגדע מש ולד סגיר אלי מן אוול משקלה בתסיר מעו מא בערף יחלהא או יוואגה קול שי עשאנק.
    סיבק מנו ואנתי לסא אוול עומרק פי קתיר אלי בערפו שו קימתק.
    קמלי ושופי אנסאן מתאים אקתר. ומן נאחיית אלחוב סדקיני רח תחבי אלאחסן.
    באלאכר : שו מא אללה קאתבלק וקאתבלו רח יסיר.
    ולו תקוני בין עיונו ואללה מא קאתבלו אייאקי אלו סדקיני מש רח תקוני אלו שו מא קאן יקון.
    ותאקדי קול שי בסיר מעק . אללה בדו אלק אלאחסן ואלכייר.
    אנא מתלק סאר מעי וחארבת אהלי עשאנו ואתגוזתו ובסוף אנא אלי טלעת כסראנה וכסראנה קתיררררררררר.
    כודי אנסאן יסמעק ומא יסמע לגירק ויחבק ויקון זלמה מעק. מש יתזלמן עליקי!!!

  2. طيب يحكي مع أهله ويقلهم انها سمعتها سيئه وأهله اكيد راح يوقفو معه لأنو مش معقول أهله يوفقو على وحده تبقا سمعتها سيئه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *