مش عارف شو بدي ولا فاهم شو بيصير معي
السلام عليكم ورحمة الله وبركاته، بداية شكرا لكم على هذا الطرح المميز…مشكلتي أو ما اعتبره مشكلة عندي تتلخص فيما يلي:
انا شاب في العشرينات من عمري أعزب وعندي بيت وبشتغل، لاحقا وفي الثلاث سنوات الأخيرة وحاليا حاسس انه نفسيتي كل مالها بتتعب وبترجع لورى.
حاسس اني بفقد اصحابي كل يوم بالرغم انه أصحابي معدودين على الأصابع…معارفي اهلي قرايبي مش طايق اشوف حدا منهم…صرت أحب أظل لحالي (انطوائي انزوائي معقد متشدد مجنون ضارب مثل ما بدكم)…صرت احب اطلع على الأماكن اللي ما فيها حدا ولا ناس او اظل بغرفتي لوحدي….صرت عصبي كثير رغم اني عصبي وعصبيتي ضيعت علي كثير امور في حياتي وكمان لما اتعصبن ببطل اشوف قدامي وما بميز مين أمامي أهلي او صديقي او قريبي وبصير اخبص طالع نازل وحكي غريب ومنحط بالرغم اني ملتزم دينيا وحتى الناس بيقولوا عني اني متشدد.
صراحة حاسس نفسي مش أنا الشاب الخجول الملتزم أيام المدرسة …حاسس نفسي واحد غير بالمرة….في البيت بظل قاعد لحالي ولا بمزح مع حدا ولا بحكي مع حدا وجدي لأبعد الحدود. وفي نفس الوقت بحب اسمع اغاني شعبية وموسيقى بالرغم اني ما بسمعها قدام الناس لاني ملتزم دينيا.
آخر فترة من الزهق صرت أفكر أفكار مش منيحه ومش مقبولة من جميع النواحي وصرت ادور في الصيدليات على حبوب مهدئة واشربها لحالي وصرت احكي مع حالي كثير وصرت ما انام الليل وانا افكر شو صار معي في النهار وبشوف كوابيس واشياء من هذا النوع.
صراحه حاسس حالي ضايع وبدي شي وأشياء ومش عارف شو بدي وشو اعمل وكيف ارتاح.
الرجاء النصح بخير لانه الدين النصيحة ولكم جزيل الشكر سلفا.
عليك بالصلاة ولا تسأل غير الله -انه هو الغفور الرحيم- وانصحك بإلتماس الصبر من كل قريب أو صديق و اعلم ان قول سبحان الله وبحمده مائة مرة تذهب كل الذنوب ولو كانت مثل زبد البحر
فعلا اذهب الى شيخ يقراء عليك ايات قرانية لازم تحكي مع اهلك في الموضوع ش لحالك اتروح اقراء قران اية الكرسي صورة البقرة كاملة وباذن اللّة ستشفى
انا بنصحك تروح عشيخ يمكن يكون معمولك اشي وكمان صارح اهل البيت مثل امك بلي بصير معك هاد الاشي راح يساعدك وترتاح نفسيا والام اذا ما ساعدت بتهون عليك